Vera që lamë pas solli një mori këngësh e klipesh. Disa e arritën suksesin e kërkuar, e disa na zhgënjyen deri diku.
Ajo çka vumë re dhe me thënë të drejtën ishte bajatëse, tematika e njejtë. Luks, vajza të bukura, makina e veshje të shtrenjta, tekste mjaft të thata, përsëritëse dhe lodhëse. Tradhëtia, deti, vuajtjet, inati, “kërcënimet”, ngacmimet, premtimet, flirtet, dashuria, mesazhet e koduara, nuk na ndezën siç duhet këtë verë.
Këngëtarët hit dhe in, kanë mbetur linear, të njejtë dhe siç duket nuk kane frymezimin e duhur për të sjellë diçka ndryshe dhe më profesionale se vitet e tjera. Zona e tyre e konfortit dhe fansat e zjarrtë nuk janë inkurajim i mjaftueshëm për të bërë diçka më shumë, më ndryshe profesionalisht.
Nga ana tjetër këngëtarët e rinj po punojnë me “mish e me shpirt” për të nxjerrë në pah më të mirën e mundshme. Kështu kemi dy “përplasje” ekstremesh duke arritur të krahasojmë ata që kanë vite në tregun muzikor me ata që janë të sapo ardhur. Puna është e njejtë dhe dallimi nuk vërehet as me teleskop dhe as me lupë.
Me këtë ritëm të rinjtë do i lënë në hije të më përparshmit, ndaj mendojmë se duhet një frymë e re, një erë ndryshimi për të stimuluar artistët të jenë produktivë.
Darling. al
