Marrë shkas nga Efi, për një gjendje më të mirë ju zbulojmë 10 dobi të meditimit!

Stresi me shumë gjasë është vrasësi numër një në botën moderne, sepse shkakton sëmundje të ndryshme si dhe aksidente. Në anën tjetër, meditimi tash e sa kohë rekomandohet për ta çliruar stresin, dhe po ashtu është vërtetuar edhe me studime shkencore.

Meditimi i rregullt zvogëlon përgjigjen e inflamacionit që ndodh në trup përmes rritjes së niveleve të kortizolit kur jemi të stresuar. Për më tepër, meditimi zvogëlon ankthin, frikën dhe panikun.

Gjumi cilësor është një ndër komponentët më të rëndësishëm për shëndetin (në mos më i rëndësishmi) sepse mban trupin dhe mendjen në top formë. Por në kohën dhe rrethanat moderne, pothuajse gjysma e popullsisë në një mënyrë a tjetër, ka probleme me gjumin.

Meditimi mund t’ju ndihmojë edhe në këtë aspket, sepse studimet kanë konfirmuar që të medituarit ju ndihmon të flini më shpejt dhe më thellë.

Rreth 20-30% e njerëzve vuajnë rregullisht nga dhimbja. Por ata që e praktikojnë meditimin rregullisht, në mënyrë efektive dhimbjen. Përmes studimeve të ndryshme, shkencëtarët kanë vrojtuar reagimet e trurit ndaj dhimbjes, krahasuar me njerëzit që meditojnë dhe ata që nuk

Rezultatet? Aktivitet i shtuar në pjesët e trurit që kontrollojnë dhimbjen dhe ndjeshmëri e reduktuar ndaj dhimbjes – sigurisht për njerëzit që meditonin rregullisht.

Presioni i lartë i gjakut është shkaktar i plot llojeve të sëmundjeve kardiovaskulare, të cilat shpesh janë fatale. Por studimet kanë vërtetuar edhe një herë se meditimi mund ta ulë presionin e gjakut. Kjo ndoshta ndodhë përmes mekanizmit të sinjaleve nervore relaksuese që koordinojnë funksionin e zemrës dhe enëve të gjakut.

Varësitë janë një ndër problemet e botës moderne. Dhe këtu nuk po flasim vetëm për varësitë nga alkoolizmi, droga apo duhani. Jeta moderna na ka sjellë edhe varësi të tjera sikurse varësia nga interneti apo ngrënia e tepërt.

Por, për fatin tonë të mirë, hulumtuesit kanë gjetur se meditimi po ashtu mund t’ju ndihmojë t’i luftoni varësitë, mund të rrisë vetëkontrollin dhe ndërgjegjësimin dhe t’ju ndihmojë në kontrollimin e emocioneve.

Siç e përmendëm më lart, kontrollimi i emocioneve është vetëm një nga përfitimet prej meditimit. Lloje të caktuara të meditimit po ashtu mund ta përmirësojnë vetëbesimin, t’ju ndihmojnë ta ndërtoni një qasje optimiste e madje edhe ta ulin depresionin. Plot doktorë në ditët e sotme e rekomandojnë meditimin te pacientët që vuajnë nga probleme të ndryshme mentale.

Vëmendja është aftësia që na mundëson t’i bëjmë gjërat në mënyrën e duhur dhe efikase – me raste këtë e quajmë edhe fokus. Pikërisht meditimi mund t’ju ndihmojë ta përmirësoni vëmendjen. Në fakt, meditimi përmirëson aftësinë për t’u fokusuar dhe për ta ruajtur fokusin për një kohë më të gjatë.

Dhe ky është një fakt shkencor! Studime të shumta kanë konfirmuar se meditimi rrit dhembshurinë e njerëzve – ndaj njerëzve të tjerë dhe ndaj vetvetes. Kjo krijon ndjesi pozitve te njerëzit dhe komunitetin në të cilin jetojnë. Po ashtu, kjo i ndihmon njerëzit ta kontrollojnë zemërimin dhe të reduktojnë konfliktet në familje. Pra, më shumë meditim, më shumë lumturi!

Të gjitha përfitimet e përmendura më lart e përmirësojnë cilësinë e jetës sonë në një mënyrë a në një tjetër. Por meditimi ka një efekt pozitiv në atë që mjekët shpesh e quajnë “cilësia e jetës” në lidhje me të moshuarit: çështjet që kanë të bëjnë me humbjen e kujtesës tek të moshuarit dhe çështjet sociale të të moshuarve, si për shembull ndjenja e vetmisë.

Zakonisht, ne i zgjidhim problemet me ndihmën e përvojës. Por ndonjëherë mund të mos keni përvojën që kërkon një problem i caktuar. Prandaj meditimi mund të na ndihmojë për t’i zgjidhur problemet tona në mënyrë më creative, duke na ndihmuar të mendojmë jashtë kornizave dhe për të gjetur zgjidhje inovative.