Na ndajnë pak orë nga startimi i reality show-t më të të ndjekur dhe më të përfolur në Shqipëri.
Të shtunën e trembëdhjetë janarit shtëpia e Big Brother hap dyert për pesëmbëdhjetë konkurrentë. Në moderimin e Ledion Liços, me opinionistë (tashmë të konfirmuar), Ori Nebiaj fhe Arbër Hajdari, këtë sezon të tretë e paralajmërojnë “të frikshëm”.
I ftuar në Wake Up ka qenë gazetari Ronaldo Sharka i cili është shprehur: “Unë mendoj që ky “Big Brother” do jetë i frikshëm. Për shembull Albi Nako ka një ironi të paparë dhe gati, gati të frikshme. Është emër që përflitet. Unë kam dëgjuar vjet nga banorë që po bëheshin gati të futeshin në “Big Brother” që kur kishin dëgjuar emrin e Albit që ishte aluduar, kishte pak frikë.
Unë mendoj që në “Big Brother” ecin shumë personazhet që ose kanë dalë nga tregu dhe janë harruar, ose ata që janë të sapodalë, filize të reja. Publiku ka më shumë interes të dijë për jetën e këtyre njerëzve sesa të një personazhi që ka vite dhe ne i dimë pothuajse çdo gjë. Këtyre personazheve që i dimë çdo gjë, unë i uroj të dashurohen dhe të fejohen aty brenda, por pse jo të nisin dhe ngjizjen e një fëmije”.
Kujtojmë se disa nga emrat që përfliten se do të bëhen pjesë e shtëpisë më të famshme në Shqipëri janë: Meriton Mjekiçi, Alfio Rrotani, Albi Nako, Adel Lami, Drini Zeqo, Dorina Mema, Endrik Beba, Fation Kuqari, Ksenja, La Fazani, Rike Roçi, Roza Lati, Sara Gjordeni, Sardi, Zamira Kita, Julian Deda, Romeo Veshaj etj.
Darling.al
