Protestat për ndërtimin e rrugës Thoman-Kashar vazhdojnë Nga banorët e zonës. Me pankarta në dorë, me mbishkrimin: ‘Po na vrisni të ardhmen’, ‘Prona është pasuria jonë’, banorët e Bërxullës janë mbledhur edhe sot në protestë.
Ata nuk kundërshtojnë ndërtimin e rrugës, Thumanë-Kashar, por kërkojnë që tokat e tyre të shpronësohen me vlerën e tregut dhe vendosjen përgjatë rrugës të nënkalimeve apo mbikalimeve.
Sot, banorët e Bërxullës kanë bllokuar rrugën në shenjë proteste për të drejtat e tyre, bashkë me fëmijët të cilët kanë bojkotuar sot shkollën.
Gjatë protestës, njëri prej banorëve nuk është ndjerë mire, duke humbur ndjenjat.
