Një 22-vjeçare shqiptare në zonën e Volos është dhunuar sistematikisht, nga bashkëshorti i saj 28-vjeçar, gjithashtu shqiptar,i cili e mbante të mbyllur atë dhe fëmijën e tyre 2 vjeç e gjysmë, prej 2 vitesh.
Ngjarja u zbulua pasi fqinjët kanë dëgjuar britmat e saj nga brenda shtëpisë. Kur kanë trokitur me këmbëngulje në derë, 28-vjeçari e ka hapur atë dhe ka tentuar të arratiset, ndërsa banorët e kanë ndaluar, ndërsa policia ka mbërritur në vendngjarje dhe ka bërë arrestimin e tij.
Sipas shenjave të së resë 28-vjecari ka tentuar ta mbyse atë. 22-vjeçarja ka dëshmuar “ se burri e rrihte çdo ditë, ndërsa në dy raste të tjera e kishte lënë në një situatë shumë më të keqe se ajo në të cilën u gjend së fundmi.
Por këtë herë ai ishte shumë pranë vrasjes së saj.
Çifti u martua në Shqipëri kur vajza ishte vetëm 18 vjeç, në një martesë “të detyruar”.
28-vjeçari ndodhet në paraburgim, ndërsa përballet me ndjekje penale për izolim të zgjatur dhe lëndim trupor, vepër e cila sipas kodit të ri penal barazohet me lëndim të rëndë.
