Tragjedia e 9 Janarit ndodhi në afërsi të Vlorës në vitin 2004, kur gomonia me 36 klandestinë u nis drejt Italisë.
28 persona të moshës 15 deri në 33 vjeç, kryesisht nga veriu u mbytën.
8 prej tyre ende sot rezultojnë të zhdukur.
![](https://darling.al/wp-content/uploads/2023/01/5e1720209bca8viktima-300x204.jpg)
U dhanë 1 mijë e 500 euro skafistëve me shpresën se bregu tjetër do t’u rregullonte jetën, por shumica e tyre nuk e dinin se po paguanin vdekjen.
Dallgët, rreth pesë metra të larta, paralajmëruan se nuk ishte koha e duhur për të udhëtuar, por për trafikantët kjo ishte mundësia e artë për t’i shpëtuar mbikqyrjes së dy policive, asaj shqiptare dhe asaj italiane.
Gomonia 12 metra e gjatë që u nis nga Vlora i dorëzohet stuhisë detare. Pasojat? 18 burra e tre gra gjenden të pajetë në agimin e 10 Janarit nga një helikopter i NATO-s së ushtrisë italiane.
![](https://darling.al/wp-content/uploads/2023/01/9-janari-663x376-1-300x170.jpg)
Njëmbëdhjetë të tjerët mundën të shpëtonin, mes tyre edhe skafistët.
Ngjarja u përjetua nga të gjithë shqiptarët, nga telefonata për ndihmë drejtuar një televizioni privat e deri në përcjelljen mortore të shqiptarëve që bënë atë që bënin shumica në atë kohë, të zgjidhnin të ishin klandestinë.
![](https://darling.al/wp-content/uploads/2023/01/2f4340cb6a25259b932aa30959177f4f-300x180.jpg)
Tragjedia nuk është zbardhur plotësisht.