Nga dita në ditë televizionet po startojnë sezonet e reja të emisioneve.
Jehonë e madhe i është dhënë dhe “Big Brother Albania”, që këtë sezon do të jetë ndryshe. Prezantimi i është besuar sërisht Arbana Osmanit, gjë të cilën e ka konfirmuar vetë moderatorja. Këtë herë Big Brother vjen në verisionin “Vip”, pra personazhe publikë do të jetojnë për 100 ditë si njerëz të thjeshtë. Nuk është zbuluar shumë përsa i përket formatit i cili ka rezultuar gjithmoë i suksesshëm.
Kujtojmë që sezonin e fundit në “Love Edition” u shpall fitues Danjel Dedndreaj, djali nga Tropoja i cili fitoi zemrat e shqiptarëve me maturinë që tregoi deri në fund. Ekskluzive për Darling.al, Danjeli tregoi jetën e tij të re.
I tërhequr nga televizioni dhe intervistat, ai nuk hezitoi ti përgjigjej disa pyetjeve të gazetarëve tanë. Si gjithmonë i dedikuar pas stërvitjes, vlen të theksohet fakti që Danjeli është një nga djemtë më tërheqës dhe me trupin më të tonifikuar të show-bizz-it.
-Nga ke humbur Danjel?!
-Prej kohësh po jetoj në Spanjë ku po kryej studimet për gjuhën dhe njëkohësisht po ndjek një kurs menaxhimi. Gjithashtu po pres të stabilizohet pak situata në botë për të hapur biznesin tim (bar), këtu ku jetoj!
-Si i kalove pushimet verore?!
-Unë po jetoj në vendin e pushimeve. Kështu që pushimet e mia ishin të dedikuara në stërvitje, volejboll dhe plazh, pishina. Në çdo moment primare për mua është stërvitja.
-A je në një marrëdhënie dashurie?!
-Jo! Kam vendosur që ti dedikohem vetes dhe objektivave të mia. Po punoj fort për të realizuar qëllimet që kam. Nuk jam i mbyllur dhe as i prerë për asgjë. Gjithçka është e mirëpritur.
Darling.al
