Gold Ag ka sqaruar komentet e tij që bëri rreth këngëtares Tuna në “Shiko kush Luan”, ku teksa foli për sherrin e tyre u shpreh se “nuk ka qejf që një femër si ajo të prezantojë degjenerim te femrat shqiptare, te motrat tona.”
Këngëtari sqaroi se nuk e ka ofenduar dhe kurrë në jetën e tij s’do e ofendojë Tunën, duke shtuar se thjesht nuk i pëlqen muzika e saj.
“Vëllezër dhe motra pashë disa komente ku më thonin përse ke fyer Tunën. Në asnjë gjysmë fjalë se kam fyer e as nuk do ta fyej asnjhëerë, sepse ajo është nënë. Kur më pyetën për arsyen, thjesht tregova se s’kam pas qejf që ai lloj këngësh të prezantohet tek motrat dhe nënat tona. Kjo është përgjigje për ju që thatë se ofendova por më së shumti për Tunën le ta dinë që kurrë në jetë nuk e ofendoj, se ajo që ishte ka kaluar. Dhe alkool nuk pi as po të ma dhuronin gjithë botën, lërë më për lojë,”- shkroi ai në një postim në Instagram.
Arian Gushi foli mbrëmjen e së shtunës në emisionin “Shiko Kush Luan” për sherrin me këngëtaren Tuna Sejdiu.
“U përfol shumë se pati një përplasje mes teje dhe Tunës, na trego arsyen e këtij sherri ose pi”,- ishte pyetja që i bëri Anxhela Peristeri.
“Arsyeja e këtij sherri nuk është sherr, por është një realitet që nuk kam qejf që një femër si ajo me prezantu degjenerim te femrat shqiptare, te motrat tona.
Unë nuk jam ai që duhet të drejtoj femrat se çka me qit e çka mos me qit, por për derisa ajo ka këndu serbisht e vjen në Kosovë e qet zogun, te une jo”,- ishte përgjigjia e reperit të njohur.
Prej vitesh Gold Ag dhe Tuna nuk kanë pasur marrëdhënie të mirë, ndërsa krisjen e madhe e shënuan në 2014-tën, kur thumbuan indirekt njëri-tjetrin përmes statuseve në Facebook, të cilat bënë shumë bujë asokohe.
