Kimia fizike
Ky është lloji më i zakonshëm i kimisë, por është edhe më i keqkuptuari. Në fund të fundit, shumë bëjnë gabimin që të ngatërrojnë tërheqjen fizike me dashurinë. A ka ndonjë mënyrë për të dalluar njërën ndjenjë nga tjera? Epshi është në thelb dëshira për kënaqësi seksuale. Ai zakonisht zhduket pas aktit seksual dhe kthehet orë ose ditë më vonë. Ju mund ta ndieni këtë për disa njerëz të ndryshëm në të njëjtën kohë dhe ju jo domosdoshmërisht ndiheni “posesiv” apo xheloz. Por kur ju jeni i dashuruar, ju jeni shumë posesiv ndaj partnerit.
Nuk jemi duke thënë që kimia seksuale është diçka e keqe apo që duhet diçka tjetër më e thellë për t’u zhvilluar një marrëdhënie. As nuk duhet të shqetësoheni nëse mendoni se epshi është gjithçka që ju keni të pëbashkët me dikë në fillim të njohjes. Sipas ekspertëve gjatë marrëdhënies seksuale, dopamina (substanca që të bën të ndihesh mirë) rritet ndjeshëm – kështu, kjo substancë, me kalimin e kohës, mund të prodhojë me të vërtetë ndjenja të dashurisë. Vetëm prisni dhe kjo mund të ndodhë një ditë!
Kimia “ Ne jemi kaq rehat bashkë”
A keni takuar ndonjëherë ndonjë person , i cili përfundonte çdo fjali që e fillonit ju apo dikë me të cilën e keni patur kaq të lehtë për të biseduar, njësoj sikur të flisnit me veten tuaj. Po ju prezantojmë me tërheqjen e përshtatjes, i cili lehtëson raportin dhe lidhjen që ekziston mes dy njerëzve.”Njerëzit që ndiejnë këtë tërheqje mes njëri tjetrit shpesh ndihen sikur janë një trup i vetëm ” thotë Harry Reis, Ph.D., profesor i psikologjisë në Universitetin e Rochester.
“Kur ata flasin me njëri-tjetrin, ata pothuajse ndihen sikur janë duke folur me veten e tyre”. Jeni të shqetësuar se e gjithë kjo mund tju bëjë më shumë miq të mirë se të dashuruar? Mos u frikësoni pasi ndjenjat e simpatisë shpesh mund tju çojnë drejt dëshirës së fortë më vonë. “Kur bini në dashuri, aktiviteti i ngritur i dopaminës mund të ndikojë në nivelet e testosteronit dhe të shkaktojë një rritjen e nivelit të epshit.” shpjegon Fisher. Përfundimi : Ju të dy mund të bëheni partnerë të pasionuar pas njëri tjetrit në çdo kohë!
Kimia “Ne qeshim si të çmendur së bashku”
Kërkoji një mikut/mikeshës tuaj që tju bëjë një liste me cilësitë që do donte të kishte partneri/partnerja e tij dhe humori pothuajse gjithmonë shfaqet në krye të listës. Ne jemi të gjithë në kërkim të një partneri që na ndihmon të argëtohemi. Hulumtuesit kanë zbuluar se duke qeshur së bashku, rritet shkalla e pëlqyeshmërisë që keni për njëri tjetrin. Pra, mos i vendosni automatikisht ata që bëjnë gallatë në grupin e atyre që janë “ të shkëlqyer për t’i ftuar vetëm në festa”. Ku ka të qeshura, mund të lindë edhe dashuria afatgjatë: Vetëm mendoni se sa e lehtë do të jetë për tu përballur me të gjitha problemet që çdo marrëdhënie ndeshet herët apo vonë.
Kimia “ Ne plotësojmë njëri tjetrin”
Ndërsa është e rëndësishme për ne që të gjejmë një partner me të cilin ndajmë të njëjtat vlera dhe mendime, ne mund të tërhiqemi edhe nga ata persona që janë të ndryshëm nga ne. Përshembull, një modele shumë e bukur mund të ketë një kimi të vërtetë me një matematikan – dhe anasjelltas. Pse? Ajo e bën atë të ndihet seksi dhe ai e bën atë të ndihet e zgjuar. Të njëjtën gjë mund të themi për lidhjen e një përsoni të pashoqërueshëm me vajzën më popullore të qytetit. Pra ne tërhiqemi nga ata që na bëjnë të ndihemi njerëz më të mirë dhe më të plotësuar.
Kimia “Ne kemi shumë të përbashkëta“
Ne priremi që të shkojmë drejt njerëzve të cilët ndajnë interesa të ngjashme me ne.Kjo jo vetëm bën që të kalojmë më shumë kohë me njeri tjetrin , por na jep mundësinë ta njohim më mirë partnerin në një mjedis me presion me të ulët. Për më tepër, vetëm mendoni çfarë përvoje e mrekullueshme do jetë të shihni ujëvarën e Niagarës apo të përshkoni shkretëtirën e Saharasë sëbashku. Këto interesa të përbashkëta mund të bëhen kujtimet tuaja më të bukura dhe themelet për një marrëdhënie të qëndrueshme.
Tani që ju i dini pesë llojet e kimisë mes dy njerëzve, jini të vëmendshëm për ti ekperimentuar ato. Edhe nëse ju nuk ndiheni “sikur ju ka goditur rrufeja” kur takoni dikë për herë të parë, ju sërish mund të keni një tërheqje të shkëlqyer , nëqoftëse i jepni asaj kohën e duhur për tu zhvilluar.
