Skuadra e Milanit ka tentuar ta transferonte Leo Messin sa ishte pjesë e PSG-së.
Këtë e ka konfirmuar ish-drejtori i kuqezinjëve, Paolo Maldini.
“Ne u përpoqëm të nënshkruajmë me Leo Messin. Unë e doja atë, ne thirrëm për të por pas 10 ditësh e kuptuam se ishte thjesht e pamundur. Ai është lojtar i mrekullueshëm, ne u përpoqëm por nuk ishte e mundur për ne”, tha Maldini për Poretcast.
Leo Messi gjatë verës u largua nga PSG-ja dhe u transferua te skuadra amerikane, Inter Miami.
Ylli argjentinas i cili arriti të fitojë Kupën e Botës në vitin 2022, javë më parë fitoi edhe Topin e Artë, për herë të tetë në karrieren e tij.
