Një gjyshe nga Maliqi ka denoncuar një 59 vjeçar se i ngacmonte mbesën e mitur.
12 vjeçarja kishte munguar për ditë të tëra në shkollë pasi burri e përndiqte. Asaj i kishte ardhur turp të tregonte, por gjyshja e kishte pikasur vetë.
“Unë dje isha te psikologia te shkolla që ta justifikoja që mos i vinte mungesa cupës, ai ishte aty i pirë, i tha cupës hajde këtu unë shkova e zura për gryke dhe e godita. Psikologia që pa cupën duke qarë tha do e lajmëroj unë policinë. Ai e ndiqte nga mbrapa, i fliste në telefon, pinte, ra cupa në depresion”.
Gjyshja e 12 vjeçares bën të ditur se 59 vjeçari ka qenë në gjëndje të dehur në rastet kur e ka ngacmuar mbesën e saj.59 vjeçari e ka përndjekur për ditë me rradhë 12 vjeçaren madje sipas gjyshes, 59 vjeçari ka arritur deri aty sa të shkojë edhe në banesën e tyre.
“Ka ardhur me gurë natën, nuk di çfarë të them, kam hequr traumë. Çupa ka frikë të dalë. Nuk del më vetë vajza jashtë.”
12 vjeçarja jeton me gjyshen dhe me nënën e saj e cila ka probleme të shëndetit mendor. Për vajzën kujdesej gjyshja ndërsa jetojnë në një banesë me kushte të mjerueshme.
