Studentët e Mjekësisë, kanë mundur që të arrijnë një akord me rekotrin Arben Gjata, teksa prej javësh ata kishin bojkotuar mësimin dhe ishin në protestë kundër ligjit që sipas tyre i mban “peng” 5 vite diplomën (kontrata e re ligjore mes këtyre studentëve dhe Universitetit, që i detyron të punojnë për 5 vite në vendin tonë pas mbarimit të shkollës.
Ndryshe duhet ta paguajnë koston e llogaritur të studimeve personalisht)
Pas takimit mes studentëve dhe Gjatës, mësohet se ky i fundit ka pohuar se do t’i mbështesë deri në daljen e vendimit të Gjykatës, për padinë që ata kanë bërë kundër ligjit dhe se deri në atë kohë, nuk do të kenë kushte për plotësim kontrate.
Kështu, studentët vendosën të rikthehen në auditore pasi morën garanci nga Arben Gjata për mbështetjen e kërkesave të tyre.
Kujtojmë se studentët e Mjekësisë kanë dorëzuar në Gjykatën Kushtetuese padinë për ligjin e ri që iu mban “peng” diplomat me 5 vite punë në Shqipëri dhe me rinisijen e vitit akademik, ata refuzuan të hynin në auditore, duke vazhduar me protestat që momentalisht do të ndërpriten dhe një vendin do të merret pas zbardhjes së vendimit.
