Nëse keni zemër për ti parë, këta janë disa nga filmat vërtetë të frikshëm për Halloween!

Nëse pasi të festoni Halloween me familjen apo shoqërinë jashtë, po kërkoni të vazhdoni ritualin dhe në shtëpi, ne ju sugjerojmë disa filma triller.

Është konstatuar se filmat e frikshëm japin adrenalinë prandaj janë dhe aq shumë të pëlqyer. Nëse jeni në dilemë për përzgjedhjen ju ndihmojmë me disa tituj nga filmat më të frikshëm që fare lehtë mund ti gjeni në Youtube.

Një nga klasikët e filmave horror, filmi që ka marrë kritikat më të mira për zhanrin e vet. Kur një vajzë adoleshente pushtohet nga një qenie misterioze, nëna e saj kërkon ndihmë nga dy priftërinj për ta shpëtuar vajzën e saj.

Pesë shokë udhëtojnë drejt një kabine në pyll, kur aksidentalisht lirojnë djajtë të cilët i posedojnë trupin. Edhe këtij filmi i është bërë një ripërpunim i cili ka dalë në vitin 2013.

Një shpirt i padukshëm hy në trupat e njerëzve duke i detyruar ata ti bëjnë keq vetes së tyre me një buzëqeshje të frikshme në fytyrë. Ky mallkim i kalon personit që shikon të mallkuarin duke vdekur.

Ky thriller psikologjik flet për një grua të re e gjendur në një shtëpi të pushtuar nga fantazmat. Bazohet në ngjarjet e vërteta të çuditshme të ndodhura në Uruguajin e viteve 1940-të.

Sa horror mund të ketë në një histori ku personazhi i lig është një 60-vjeçar i verbër? Aq i frikshëm, sa përndjekia nuk ka mbaruar akoma dhe do të vazhdojë edhe me një film të dytë. “Don’t breathe” (Mos merr frymë, 2016) është një ndër të paktët filma të suksesshëm horror që s’ka asgjë të mbinatyrshme. Është historia e tre të rinjve që shkojnë të vjedhin në shtëpinë e një ish-ushtaraku të verbër, por ajo çfarë i pret është e paimagjinueshme. Aq shumë tension ka ky film, sa do t’ju rrahë zemra gjithë kohës.

Refugjatët sudanez jugor Bol dhe Rial zhvendosen në shtëpinë e tyre të re jashtë Londrës.

Ndërkohë që ka një ndjenjë lehtësimi që ata tani kanë një çati mbi kokë, është e vështirë të përshtaten me këtë jetë të re për arsye reale e gjithashtu të tmerrshme.

“His House” eksploron përvojën e emigrantëve dhe udhëtimin e mundimshëm të azilkërkuesve, por për t’i bërë gjërat edhe më keq, ata duhet të luftojnë kundër shpirtrave brenda mureve të shtëpisë së tyre.

Një familje vendoset në një shtëpi të re dhe djali i tyre mbetet në koma. Prej aty, disa ngjarje shqetësuese fillojnë të ndodhin derisa shfaqet diçka shumë e keqe që jeton në të.

Ky film është përkufizuar si një përrallë e frikshme, e bazuar në një legjendë urbane të gruas duke qarë, e cila ndjek 2 fëmijë të vegjël.

Kjo është historia ku nëna kupton se djali i saj i vogël është psikopat dhe ka sjellje të frikshme kundrejt të gjithëve.