Konkurenti i “Dancing With The Stars”, Ronaldo Sharka, ka rënë pre e kamerës së fshehtë të vëllezërve Veshaj. Donaldi dhe Romeo kishin vendosur që t’i bënin një rreng gjatë provave në skenën e madhe të spektaklit të kërcimit.
Vëllezërit Veshaj në bashkëpunim me partneren e Ronaldos në skenë, Frenkli dhe produksionin e DWTS, kishin vendosur që t’i ndryshonin këngën me të cilën kishte bërë prova në palestër.
Teksa çifti nisi të kërcente, moderatori i njohur ndalon pasi e kupton se diçka nuk shkonte me këngën, e cila sipas tij, ishte më e shpejtë. Por balerina dhe produksioni i thonë që është e njëjta dhe ai vazhdon provat.
Por sërish Sharka ndalon duke thënë se nuk është e njëjta këngë që ka pasur në palestër. Për këtë arsye ai së bashku me Frenklin shkojnë te salla për të bërë një provë. “Si mund të ndryshojë nga salla në skenë moj shpirt se më hoqe trurin? Po mendoj se po ma bëjnë qëllimisht. Po tallin b**ën me mua?!”, thotë Sharka teksa ndodhet në palestër dhe shton se nuk do bëjë prova.
Frenkli, e cila e di shumë mirë se çfarë po ndodh, i thotë se do bëjë prova, pasi është ai në konkurrim dhe jo ajo. Nga ana tjetër Ronaldo thotë:
“Nuk dal unë live të tallin b***n. Nuk tallin dot b***n me mua, e ke seriozisht? As ti nuk duhet të pranosh. Nuk bëj prova. Si Ola dhe Esdalin thonë se kjo është kënga. Seriozisht këtë s’kuptoj unë. Paskeni pjer**r të gjithë. Nuk dal unë me këtë këngën live. E keni seriozisht ju?”.
Pasi rikthehen në skenë Ronaldo kërkon që të kenë versionin e këngës që kanë bërë prova në palestër. Edhe kësaj radhe i vendosin këngë të ndryshme, duke bërë që ai sërish të ndalojë provat.
Pak më vonë ndërhyn Donaldi, i cili i thotë: “Ju lutem bëhuni seriozë. Bëhu serioz Ronaldo se nuk është fare profesionale nga ana jote”.
E kur Sharka dëgjon zërin e tij nuk e kupton se kush është dhe pyet: “Kush është ky?” dhe merr një përgjigje nga Donaldi: “Jam Andrea nga Fieri. Ronaldo, edhe do t’a transmetojmë këtë kamerën e fshehtë të “Më lër të flas”. Jam Donaldi i dashur”.
Në këto momente konkurenti i “Dancing With The Stars” nis të qajë.
