Aktori Gert Ferra është bërë banori më i ri i ‘BBVA’. Ndër personazhet që ai njeh brenda, është edhe kolegu Laert Vasili me të cilin ka patur një konflikt.
Një mbrëmje të shtune, në vitin 2015, dy aktorë të njohur shqiptarë janë përfshirë në një sherr banal, i cili ka degjeneruar. Flasim për Laert Vasilin dhe Gert Ferrën, të cilët janë konfliktuar në një nga lokalet e Tiranës. Sipas dëshmitarëve është thënë se në lokal, “molla e sherrit” ka qenë një vajzë, e cila ka qenë shoqëruesja e Laertit, e siç mendohet, edhe e dashura e tij.
Aktori, Laert Vasili, sipas dëshmitarëve e kishte tepruar me alkoolin, ndërsa kishte filluar të fyente të dashurën e tij në publik. I shqetësuar nga situata, Gert Ferra ka ndërhyrë, duke i dalë në mbrojtje vajzës që bën pjesë në rrethin e aktorëve, ndërsa sipas të pranishmëve i ka kërkuar Laertit të ulë zërin, moment që ka sjellë edhe konfliktin e madh mes tyre. Burime të kohës patën konfirmuar se Laert Vasili ka reaguar keq, duke lëshuar një vrull sharjesh ndaj Gert Ferrës, i cili po ashtu shoqërohej nga e dashura e tij.
Ky i fundit është ndjerë keq për shkak të pranisë së shoqërueses së tij dhe ka tentuar ta nxjerrë Laertin nga lokali, me forcë. Për shkak të rezistencës së Laertit, gjatë përleshjes aktorët kanë rrëzuar tavolinat dhe shishet, duke shkaktuar kaos në lokal. Pjesë e ngjarjes kanë qenë edhe disa punonjës policie, të cilët ndodheshin aty pranë dhe kanë mbërritur në vendngjarje. Por, me ndërhyrjen e tyre dhe pronarit të lokalit gjërat janë qetësuar.
Dy protagonistët patën refuzuar të japin një qëndrim në lidhje me çështjen, megjithëse sipas burimeve, kjo nuk ka qenë hera e parë që ka ndodhur një konflikt i tillë. Vasili ka patur probleme me alkoolin, për këtë problem gazetari Arjan Çani e ka “përzënë” nga emisioni “Zonë e Lirë”, duke thënë shprehimisht se, “ishte shumë i dehur për të vazhduar intervistën”.
Ndërkohë, Gert Ferra, i cili në të vërtetë nuk njihet për natyrë problematike, thuhet se i ka përjetuar keq fyerjet që Laerti i ka bërë drejtpërdrejt atij, për më tepër në prani të të dashurës. Kjo është edhe arsyeja që aktori ka reaguar keq.
