Enxhi Nasufi ka lindur në Bulqizë më katërmbëdhjetë tetor të vitit një mijë e nëntëqind e nëntëdhjetë e pesë. I përket shenjës së peshores në horoskop.
Që në vegjëli Enxhi ka qenë pjesëmarrëse në festivale të ndryshme. Publiku shqiptar e njohu Enxhin në adoleshencën e saj kur ishte pjesë e “Fresk Fare”, serial për të rinjtë. Më vonë “uragani i estradës” shkëlqeu në skenën e “X Factor” Albania duke mbërrutur deri në gjysmë finale me mentorin e saj Pandi Laço.
Një këngëtare e muzikës “Pop” me talent të spikatur në muzikë, aktrim, moderim dhe së fundmi në kërcim.
Impenjimi maksimal në “DWTS” Albania i dhuroi Enxhit fitoren e kupës. Kur u pyet se çfarë do të bëjë me çmimin, ajo u shpreh: “Të them të drejtën nuk e di fare dhe e kam shumë të sinqertë këtë gjë. Nuk dua të them gjëra që do bëj këtë, do bëj atë kur nuk e di fare. Madje jemi aq në mjegull, sa nuk e dimë ku jemi, derisa të kthjellohemi. Ndoshta në vazhdim të karrierës time, do e them çdo bëj, por tani nuk e di fare”.
Gjatë rrugëtimit të saj me Silvesterin, balerinin shoqërues, Enxhi rrëfeu divorcin e prindërvë të cilët “i kishte bashkuar kjo eksperiencë e re e saj. “Unë mendoj që “DWTS” na ka dhënë diçka shumë interesante si familje, sepse ne jemi një familje përtej faktit se unë i kam prindërit e divorcuar. Mami flet për dancing, babi merr në telefon dhe flet për dancing, dhe mua më duket sikur për herë të parë pas shumë vitesh, sikur i kam të dy bashkë, njëkohësisht, gjë që nuk ka ndodhur më përpara.”
Sa i përket jetës private, fituesja e “DWTS” ka pranuar se është në një lidhje dhe nënë ka dëshirë të bëhet në moshën tridhjetë vjeçare.
Darling.al
