Neda Balluku pasionin për letërsinë e ka ndarë me publikun që me pjesëmarrjen e saj në “BBA4” ku njohu dashurinë e jetës Orgenin me të cilin ka 3 fëmijë sot.
Ata gëzojnë një marrëdhënie dhe martesë të shëndetshme.
Prej 2 vitesh Nedën e kemi parë si opinioniste e Për’puthen ku jo pak herë ka ngritur zërin kundër situatave të padrejta dhe fjalorit vulgar që shpesh përdoret kundrejt vajzave dhe grave.
Një grua e cila ka studiuar filozofi, aktiviste e kauzave të ndryshme, opinioniste e cila e argumenton mendimin dhe qëndrimin e saj, ka transmetuar nga ekrani dhe jo vetëm gruan në mënyrën më të denjë.
Së fundmi Neda ka botuar librin publicistikë “Të Parat”. Historia e 16-të grave që nga Shën Tereza, Marie Kraja, Lume Blloshmi etj, të cilat në fushat e tyre dhanë kontributin dhe ndërtuan historinë për pasardhësit. Ato 16 gra ishin të parat.
Sipas autores historinë e tyre meriton ta dijë çdo fëmijë dhe adolesht.
Fakte reale, fantazi, dashuri, të vërteta dhe elementë të cilat mund të ngrejnë diskutim, i ka përmbledhur autorja në 90-ë faqe libri. Nga datat 15-19 nëntor, botimin e Nedës mund ta gjeni te “Panairi i librit 2023” dhe më pas në çdo librari.
Ky është libri i dytë i saj pas 11 vitesh.
Darling.al
