Ishin pamjet e tmerrshme të dhunës që ju ushtrua një 3 vjeçareje ato që nxitën reagimet e shqiptarëve.
Në kopshtin privat “Stinët”, u dhunua deri sa ju thye kocka e këmbës vogëlushja dhe u mbajt e lënduar në ambjentet e kopshtit për disa orë. Emisioni “Stop” publikoi pamjet shokuese të cilat aktivizuan policinë.
Sipas dëshmive ka rezultuar se kopshti “Stinët” ishte i pa licensuar dhe po ndiqet penalisht.
Majlinda Dehima, edukatorja e kopshtit “Stinët” e cika akuzohet se ka dhunuar 3-vjeçaren është rimarrë sërish në pyetje. Dehima, u arrestua një ditë më parë me urdhër të Prokurorisë për akuzën “keqtrajtim i të miturit” lidhur me dhunën ndaj vogëlushes 3-vjeçare.
Por pavarësisht pamjeve filmike, edukatorja i ka qëndruar dëshmisë së saj të para dy ditëve dhe ka mohuar se ia ka dëmtuar ajo këmbën.
Ajo ka pohuar sot se vajza e ka dëmtuar vetë në hapësirat e krevatit këmbën dhe ajo nuk e ka prekur.
Prokuroria e Tiranës pritet të bëj një tjetër ekspertim të pamjeve filmike dhe në vijim edhe ballafaqim të Dehimës me provat që do të dalin gjatë hetimeve.
Policia ka nisur hetimet edhe për çiftin e pronarëve të kopshtit, Entela dhe Dritan Danushi, të cilët nuk ishin të pajisur me licencë.
Policia e Tiranës tashmë ka përpiluar një plan masash për kontroll të detajuar të të gjithë territorit për të konstatuar raste të tjera flagrante të kopshteve pa licenca.
Sakaq ditën e djeshme qindra qytetarë protestuan përpara “Ministrisë së Arsimit” dhe “Ministrisë së Brendshme” për të kërkuar drejtësi.
Darling.al
