Pas përfundimit të Big Brother Vip Albania pritej të kishte një bashkëpunim mes tre miqve: Lorencit, Visit dhe Luiz Ejllit. A do të vijë në jetë ky projekt?
I ftuar në programin “Pardon My French” kanë qenë Lorenc Hasrama dhe Stiv Boka. Në këtë intervistë ekskluzive, artistët kanë folur rreth projekteve të tyre si dhe zbuluan disa nga surprizat që kanë përgatitur për publikun.
Së fundmi, në rrjet ka qarkulluar një video ku shfaqen dy artistët së bashku me aktorin e njohur Elvis Pupa. A fshihet pas asaj videoje një bashkëpunim?
“Ne nuk jemi kurrë kundra bashkëpunimeve të bukura. Puna është të vi materiali i duhur dhe pse jo. Aq më tepër me Visin. Visi, përveç se është mik e shok i mrekullueshëm, është edhe një artist mjaft i rrallë në Shqipëri”, u shpreh Lorenci.
“E vërteta është që ne marrëdhëniet i kemi shumë të mira, por unë mendoj që kemi qenë shumë të zënë. Edhe me Visin flasim, por takohemi mjaft rrallë. E vetmja gjë që nuk na përkon është koha”, u shpreh Lorenci duke lënë të kuptohet që nuk do të ketë ende një bashkëpunim, të paktën tani për tani.
