Emisioni “Stot” publikoi mbrëmë një video rrëqethëse në të cilën edukatorja Majlinda Dehia dhunonte sistematikisht me vizore një vogëlushe 3 vjeçare.
Të qarat e vogëlushes nuk kishin të pushuar pasi kishte lënduar këmbën dhe mbajtja me orë të tëra në ambjentet e kopshtit “Stinët” ka çuar në thyerje të saj.
Fillimisht Spitali i Traumës nuk ka bërë kallëzim për këtë ngjarje skandaloze, megjithëse ishte konstatuar këmba e thyer e vajzës. Po kështu, Oficeri i Policisë Gjyqësore, Ergys Brahimaj, nuk i ka marrë një denoncim prindërve në momentin kur e vogla ka shkuar me traumë në spital.
Denoncimi është bërë të nesërmen nga e ëma e vajzës.
