Faton Shoshi, menaxheri i njohur i vip-ave ka konfirmuar për “Prive” ndarjen e Sarës dhe të Ledrit.
Prej javësh çifti janë kryefjalë e mediave rozë sa i përket marrëdhënies. Ndonëse dyshimet filluan te fakti që Ledri nuk e shoqëroi Sarën në premierën e filmit të parë ku ajo u shfaq si aktore, u tha se kjo lëvizje u bë për të mos i marrë asaj vëmendjen.
Edhe në “Më lër të flas” Sara refuzoi të fliste për këtë temë duke thënë se gjithçka shkon shumë mirë. Dyshimet më tepër i ngriti fakti se vëllai i Sara Hoxhës kishte bërë “Like” në Instagram një lajm në të cilin shkruhej se çifti janë ndarë.
Ditët e fundit qarkulloi në rrjet një foto ku dyshja shihej duke shëtitur rrugëve të Prishtinës.
Ata mund të mos jenë në ditët e tyre më të mira, por askush veç tyre nuk ka të drejtë të mohojë apo konfirmojë asgjë.
Kujtojmë që javën tjetër Ledri do të publikojë projektin e ri muzikor.
Darling.al
