Pas aksidentit të tmerrshëm në HafenCity të Hamburgut, katër viktimat e ngjarjes tragjike dhe i plagosuri janë me origjinë shqiptare.
Të hënën, skela u shemb nga kati i 8-të në një bosht ashensori. Të paktën tre punëtorë vdiqën menjëherë në vendngjarjes, ndërsa një i katërt u “varros” në fund të materialeve të shembura, duke e bërë të vështirë operacionin. Sipas policisë, të gjithë të vdekurit dhe një punëtor ndërtimi i plagosur rëndë janë shtetas shqiptarë.
Të martën në orën 7:30 të mëngjesit, shpëtimtarë të panumërt mbërritën në kantierin e ndërtimit për të vazhduar operacionin sfidues, i cili përfundoi në orët e vona të mbrëmjes së të hënës, duke nxjerrë nga rrënjat e viktimën e fundit.
Forcat e zjarrfikësve në lartësi të mëdha dhe alpinistë profesionistë nga një kompani e specializuar siguruan vendin e aksidentit për të vazhduar operacionin e shpëtimit, në atë që mediat gjermane e cilësojnë si një përpjekje vigane.
Hetuesit nga Zyra e Policisë Kriminale Shtetërore të Hamburgut vazhduan punën e tyre në vendin e krimit në Chicagostrasse të martën, por nuk ishin ende në gjendje të depërtonin në të gjitha zonat e prekura..
