Më 30 tetor, në oren 20:30, në Paris, të Francës u zhvillua ceremonia e “Topit të Artë”, çmimit më të rëndësishëm individual në botën e futbollit, ku padyshim vëmendja ishte mbi Lionel Messi-n, që pritej të fitonte dhe Haland, sulmuesit të Manchester City-t, që dukej si rivali direkt i argjentinasit këtë vit.
Pas ndarjes së shumë çmimeve të rëndësishme si “Kopa”, “Socrates”, atij për skuadrën më të mirë në futbollin e femrave (Barcelona), çmimit “Yashin” (Martinez) për portierët, çmimit “Gerd Muller” (Haland), atij për ekipin më të mirë në botë për futbollin e meshkujve (Manchester City) dhe “Topit të Artë” për femra u dha edhe cmimi më prestigjoz për një futbollist e pikërisht për atë që mendohej.
Fitues i Kupës së Botës me Kombëtaren argjentinase dhe lojtari më i mirë i “Qatar 2022”, Lionel Messi ka arritur të ngrejë për herën e 8 në karrierën e tij, trofeun e “Topit të Artë”, duke konfirmuar edhe një herë tjetër, se është lojtari më i mirë në historinë e futbollit botëror, të paktën sipas statistikave dhe triumfeve.
