Fero, rreperi që po përflitet aq shumë në media kohët e fundit për përkushtimin ndaj fesë, dorëheqjen nga muzika dhe ndarjen nga bashkëshorjta, çdo postim apo veprim të tijin e lidh me përkushtimin e tij ndaj fesë.
Teksa disa e kanë përgëzuar, predikuesit e devotshëm shprehen se ai nuk po i përkushtohet siç duhet fesë islame.
I ftuar në “E Diell” At Nikolla Xhufka në rubrikën “Trotuar”, ka kritikuar ish-reperin se feja nuk ka ‘gangstërllëk’, e ata që e predikojnë nuk mund të kërcënojnë kurrë njerëzit.
“Çfarë mendimi keni për reperin Fero që hoqi dorë nga muzika dhe u bë mysliman i devotshëm?”, ishte pyetja që iu drejtua.
“Nga një ekstrem vajti në një ekstrem tjetër. Ai që dedikohet në një fe, edhe nga dashuria e madhe që ka për fenë, nuk mund të thotë kurrë ‘kush e shan Allahun ka punë me mua’, nuk mund të kërcënohen njerëzit.
Ai mund të thojë, ‘kush e shan Islamin mund të vijë tek unë dhe ta bëj besimtar”, tha prifti.
“Besimtari ka dashuri, jo gangsterllëk”, shtoi At Nikolla.
