Një ngjarje e rëndë ka ndodhur në SHBA, ku një nënë dyshohet se ka vrarë dy fëmijët e saj binjakë, djalë dhe vajzë 5-vjeçare dhe është vetvrarë.
Ngjarja e rëndë u zbulua pasi nëna 31-vjeçare u hodh nga një urë në Florida, ku policia pasi ka shkuar në shtëpinë e saj, ka gjetur të vdekur dy fëmijët.
Sipas dëshmitarëve okularë, 31-vjeçarja doli nga makina e saj dhe u hodh nga një urë në liqenin Jessup. Pasi trupi i 31-vjeçares u gjet dhe u identifikua, policia shkoi në shtëpinë e saj dhe gjeti dy fëmijët e saj binjakë 5-vjeçarë të vdekur në shtretërit e tyre.
Policia gjeti gjithashtu një armë në shtëpinë e 31-vjeçares, por fëmijët nuk janë gjetur me ndonjë lëndim të dukshëm. Shkaku i saktë i vdekjes së fëmijëve do të përcaktohet nga mjeku i cili do të bëjë autopsinë e trupave të tyre.
Dy binjakët, Ahmed dhe Ava, ishin fëmijë me nevoja të veçanta dhe u konstatua se ata nuk kishin ndjekur shkollën që nga 13 tetori.
Siç njoftoi policia lokale, në shtëpi nuk u gjetën as shumë ushqime dhe as mobilje të mjaftueshme. Nëna e 31-vjeçares tha se vajza e saj kishte probleme kronike me depresionin, por nuk kishte konstatuar shenja të përkeqësimit të gjendjes së saj.
