Erdit Asllanaj, aktori i njohur i Portokallisë është rikthyer pas largimit të tij në Francë për të punuar si barist.
Atje ku jeta e tij ndryshoi 360 gradë. I ftuar në “S’e luan topi”, Erditi ka folur për rrugën që mori drejt Francës, për të jetuar atje, duke lënë pas një karrierë mjaft të suksesshme në Shqipëri si edhe duke u ndarë nga familja e tij.
Me mbërritjen në Francë, aktori ka treguar se fillimisht nisi të punonte si barist dhe arsyeja pse zgjodhi të bënte këtë punë, kishte të bënte me faktin se dëshironte të ishte në kontakt me njerëzit dhe në këtë mënyrë mund të mësonte gjuhën.
Ai gjithashtu ka treguar se ka bërë shumë punë vullnetare.
Ndërkohë që është rikthyer për sezonin e ri të Portokallisë, gjysma e zemrës së tij është atje pasi partnerja e aktorit nuk është kthyer, por vijon ende të jetë në Francë.
