Britney Spears ka zbuluar se kishte kryer një abort gjatë lidhjes së saj me Justin Timberlake.
Ylli i popit, Britney Spears do hellë në treg librin e saj, ‘The Woman in Me’, i cili do të dalë më 24 tetor. Ajo ka zbuluar se kishte kryer një abort gjatë lidhjes së saj me Justin Timberlake. Gjatë lidhjes së tyre ajo shprehet se shtatzënia e saj ishte një ”surprizë“. “E doja shumë Justinin.
Gjithmonë shpresoja që një ditë të krijonim një familje së bashku. Thjesht kjo do të ndodhte shumë më shpejt nga sa prisja,” shkruan Spears në një fragment të publikuar nga “People”.
Por Justin definitivisht nuk ishte i lumtur për shtatzëninë. “Ai tha se nuk ishim gati të kishim një fëmijë në jetën tonë, se ishim shumë të rinj”, vazhdon Spears. “Jam i sigurt që njerëzit do të më urrejnë për këtë, por unë rashë dakord të mos e lindja fëmijën. Nuk e di nëse ishte vendimi i duhur.
Nëse do të ishte në dorën time, nuk do ta kisha bërë kurrë. E megjithatë, Justin ishte aq i sigurt se nuk donte të bëhej baba”, tha këngëtarja.
Burimet thanë se Timberlake, është i shqetësuar për atë që Spears, do të ndante për marrëdhënien e tyre. Çifti filloi lidhjen në vitin 1999, kur Spears ishte 18 vjeç dhe Timberlake ishte 19.
Pas ndarjes së tyre, Timberlake la të kuptohet gjatë një interviste se Spears e kishte tradhtuar atë, të cilën këngëtarja nuk e konfirmoi apo mohoi kurrë.
