Pas gjithë zhullurdisë në “dramën” mes Dafina Zeqirit dhe Sara Hoxhës, Melinda Ademi është pērfshirë duke dhënë mendimin e saj për situaten. Kjo duket se i ka ndarë fansat në dy kampe.
Melinda ‘ironizoi’ hapur Dafinën në një postim të sajin duke i shkruar: “Ti vetëm feministë që nuk je”.
Kaq mjaftoi që të gjithë të mendonim se Melinda i dha të drejtë Sarës në këtë histori. Mirëpo kjo gjë nuk u ka pëlqyer shumë fansave të Dafinës, të cilët kanë nisur ‘thumbat’ ndaj këngëtares ndërsa kjo e fundit nuk i ka lënë pa një përgjigje.
“Më pëlqejnë aventurat”, ka shkruar ajo në Threads në mënyrë sfiduese pasi dikush e pyet se si ‘guxon’ t’i bëjë diss Dafinës.
“Mendoj se keni mjaftueshëm probleme me veten, përveçse të mbështesni gjarprinjtë”, shkroi ajo në postim tjetër.
Nuk e dimë mirë rolin e Melindes në këtë trekëndësh dashurie, pse ajo zgjodhi të përfshihet dhe mos është kjo një formë për të iu kundërvënë konkurrentes së saj Dafina Zeqirit?
Kjo mbetet për tu parë.
Ju kujtojmë se debati ka nisur kur Ledri Vula, ish i dashuri i Dafina Zeqirit komentoi në një postim të saj duke lënë përshtypje që ai se kishte lënë pas historinë e tyre.
Kaq u desht që të vendosen shumë pikpytje nga fansat dhe të shpërthejnë lajmet nëpër portale dhe të nisë krisja mes shoqërisë së Dafines dhe Sarës që i cilësoi se ata po e përdornin për vëmendje.
