Prej disa ditësh këngëtarja shqipëtare me famë botërore, Dua Lipa ka fshirë të gjitha postimet e saj në Instagram.
Bëhet fjalë për mbi 1500 postime në feed, foto, video dhe të tjera, nga koncertet, pushimet dhe gjithcka tjetër këngëtarja bën, megjithatë nuk ka asgjë për të shqetësuar sepse me gjasë bëhet fjalë për një lëvizje marketingu që Dua e ka bërë edhe më parë.
Këtë e themi nisur nga fotoja e profilit në këtë rrjet social, të cilën këngëtarja e ndryshoi, nga kopertina e albumit “Future Nostalgia” në një imazh blu kaleidoskopik, që nuk e kemi parë asnjëherë më parë.
Kjo mund të jetë cover-i ose thjesht një indicie nga artistja në lidhje me albumin e ri, për të cilin Dua njoftoi që në muajin gusht që po punon ose një kapriço femrash për ndryshim.
