Pas mbylljes së stinës së veres, secili ka nevoj për disa trajtime estetike të domosdoshme.
Klima e thatë e veres, rrezet e diellit, qëndrimi në ujë të kripur të detit apo substancave që hillen në pishina për pastrim bëjnë që lëkura jonë tepër e ndjeshme të ketë nevojë të theksuar për trajtime.
1- Fytyra juaj ka nevoj për një trajtim kundër njollave kafe që vijnë si pasojë e rrezeve të diellit. Hidratim dhe largimin e qelizave të vdekura në mënyrë që lëkura të marrë frymë lirisht.
2-Trupi. Një lëkurë e thatë nuk është estetike për syrin por edhe ndikon në plakjen e parakohshme të lëkures prandaj është e nevojshme një skrab trupi. Përkujdesje speciale duhet ti përkushtojmë pjesëve që janë më të prirura drejt plakjes si gjunjët dhe zona tek brrylat.
3-Flokët. Temperaturat e larta ndikojnë negativisht tek flokët tanë duke i djegur apo zbardhur ato nga ngjyra e tyre. Një prerje e tyre do i ndihmojë ata të ripërtërihen dhe të rriten. Sigurisht një lyerje e tyre duhet patjetër që flokët të kenë ngjyren e duhur dhe plot shkelqim.
4-Këmbët që sigurisht nuk mund të lihen pas dore. Qëndrimi për një kohë të gjatë në taka apo në shapka, si dhe uji dhe rëra e detit i ashpërson dhe krijon një serë problemesh si, plasaritje të thembrave apo krijimin e kallove, myk etj.
Prandaj është i nevojshëm një trajtim i tyre nëse nuk doni që këto probleme të bëhen më të dukashme.
