Pa diskutim që Enca ka qenë kryefjalë e mediave orët e fundit për shkak të kultivimit të lëndëve narkotike, në banesën e saj.
Është veprim i paligjshëm, duhet të ndëshkohet me ligj, por historia e Encës është shumë e qartë. Këngëtarja e ka shprehur edhe publikishit konsumimin e kësaj bime “kanabis” dhe mbjellja në banesë ka qenë krejtësisht për përdorim vetjak.
Pa shitur dhe pa blerë, pa qenë pjesë e asnjë rrjeti. Pse kaq zhurmë?! Enca rrezikon nga 3 deri në 7 vite heqje lirie. Në rast se dënimi i saj do të jetë deri në 5 vjet, ajo lihet e lirë me shërbim prove dhe është plotësisht e drejtë.
Të gjithë gazetarët dhe moralistët që u çuan peshë për 5 vazo “hashash” e dinë shumë mirë që kjo bimë ju ka zënë fushëpamjen dhe se vendi ynë është kthyer në një pikë kyçe të narkotrafikantëve.
Ndaj kur kemi buallin përpara syve, të mos “bëhemi trima e moralistë përpara një mize”!
Darling.al
