Ndonëse Mc Kresha flet me anë të muzikës së tij, ndonjëherë edhe intervistat janë të nevojshme për të informuar publikun.
Me një karrierë jetëgjatë, aq sa të konsiderohet “Baba i rrepit” në trojet shqiptare, Kresha posedon dhe një artikulim të qartë përsa i përket kritikave të tij si ndaj medias, tregut muzikor, pushtetit etj.
Me origjinë nga Drenica, vitet e fëmijërisë për të nuk kanë qenë të lehta. Muzika dhe futbolli kanë qenë pasionet e Kreshës që fëmijë, por këtë të fundit e la pak anash ai pasojë e lëndimit në këmbë. Sa i përket familjes ai tregoi se i ka patur gjithmonë mbështetje.
Ajo që e shqetësonte Kreshën ishte fakti nëse kishte bërë mirë apo keq që familjen e tij e kishte tërhequr nga Kanadaja për të jetuar në Kosovë. Rreperi u shpreh se vendi ynë nuk ofron politika nxitëse për ëndrrat e të rinjve dhe se ishte i zhgënjyer nga mediat, për shkak se pasurohen me muzikën e tij.
Kresha foli për evente të ndryshme në të cilat jo pak herë kishte marrë pjesë pa pagesë. Ndryshe nga çdo rreper, Mc Kresha ka hite të pa diskutueshme që kanë bërë historinë e muzikës Hip-Hop në Shqipëri.
Prej vitesh ai është pjesë e labelit “PINT”, të cilin e ka formuar bashkë me Lyrical Son.
Darling.al
