E di që nga titulli do të paragjykohem, se fundja këtë gjë bën më së miri kjo shoqëri maskiliste.
Por, bashkëshortë ”të nderuar” mendoni pak, me kokën mbi qafë, jo tjetrën.
Ju duket vetja burra se keni bërë një grua t’ju dashurojë, t’ju përkushtohet, t’ju dedikohet dhe të bëjë gjithçka për të kënaqur egon tuaj absurde dhe të pakuptimtë ndonjëherë.
Pse i anashkaloni këto gra?!
A ndiheni burra kur kullosni sytë si kafsha të uritura do ku do?! A ndiheni burra kur fyeni, ofendoni, neglizhoni dhe kritikoni këto gra?!
Ato po bëjnë gjithçka, mbi veten dhe jo për ndonjë shpërblim vetjak, vetëm për dashuri dhe një jetë të lumtur.
A ju duket vetja burra kur ngrini zërin, fatkeqësisht dhe dorën jo rrallëherë?! Kur nënçmoni, gënjeni, hidhni hi syve?!
Ku është kënaqësia?!
Ju duket vetja burra kur gruan tuaj e trajtoni si të pa vlerë, si shërbyese, nën jush?!
….dhe kur dilni të hekurosur duke u krekosur rrugëve, mbledhjeve, takimeve kërkoni kënaqësinë kuturu, ju duken veprime burrash?!
Ju që nënvlerësoni, mohoni të mirat, sakrificat, mundin. Ju që lejoni një grua të punojë në një marrëdhënie për të dy dhe pse duhet ta konsideroni të barabartë, ju jeni problemi.
Ju që ankoheni për ankesat që kanë gratë kundrejt sjelljeve tuaja harbute, ju jeni fajtorët.
Të pa pjekur, egoistë, neglizhentë, mosmirënjohës, që në fund kur zonja juaj ju jep duart, e justifikoni veten duke thënë që kishte pretendime.
Çdo grua ka preetendime për një burrë ashtu siç ka një burrë për një grua. Bëjeni siç duhet pjesën tuaj, hapini sytë nga skëterra dhe shihini gratë me dashurinë e bashkëshortit. Vetëm atëherë do ta kuptoni fuqinë dhe rëndësinë e gruas.
Jeni shumë zhgënjyes!
Darling.al
