Konkurentët dhe ish konkurentët e Për’puthen kanë momentalisht vëmendjen mediatike.
Kjo jo vetëm për arsyen se përse janë bërë pjesë e programit, por edhe për skandalet e gjërat për të cilat komentohen shpesh, sic janë marrëdhëniet e mëparshme, thyerja e rregullores, e shkuara, etj. Sot, ekskluzivisht për Darling.al kemi Princ Milen.
Djali me origjinë nga Berati, me emrin Princ dhe profesionin veteriner, ra në sy në program për qetësinë e tij dhe pozitivitetin si njeri. U komentua shumë herë për marrëdhënie jashtë kamerave me vajza të ndryshme të emisionit. Pikërisht sot Princi do t’ju japë përgjigje këtyre aludimeve, konkretisht me Sindin.
I dedikuar profesionit, ai po jeton në Tiranë dhe tregon se ka gjetur dashurinë. Edhe pse është një vajzë që e nohim të gjithë ( jo konkurente e Për’puthen), nuk do e zbulojmë emrin e saj. Kjo për shkak se çifti ëahtë akoma në fillimet e tyre dhe duan të jenë të sigurtë përpara se të ndërmarrin hapa të rëndësishëm.
Intervista e plotë:
A do t’na e sqarosh njëherë e mirë marrëdhënien tënde me Sindin?!
Shumë është përfolur për pjesën që aktualisht jam i lidhur me Sindin, POR JO! Kemi dalë shpesh bashkë dhe kjo gjë është keqinterpretuar, sikur kemi qenë te lidhur. Jemi shumë shokë, kemi kaluar kohë të bukura, pavarsisht se tani na janë ndarë pak rrugët se merremi te dy me gjëra komplet të kundërta. Janë aludime të kota. Të ishte e vërtetë do ta pranonim, por nuk është. Duke shpresuar të mos luhet më me këtë gjë, une kam shumë respekt Sindin dhe familjen e saj, si dhe i uroj shumë suksese në projektet e së ardhmes.
Si ishte vera e Princit dhe planet, projektet për të ardhmen?!
Gjatë periudhës së verës kam pushuar shumë pak dhe kam punuar shumë. Kafshët jane pasioni im. Ju jam dedikuar pothuajse 100%. Gjithashtu fillova të krijoja një projekt me një personazh të njohur publik. E nisëm komunikimin nga rrjetet sociale, por gjërat nuk shkuan siç ne i menduam. Takoheshim shpesh të krijonim projektin, por projekti ishte gjëja fundit që flisnim. Me kalimin e kohës këto takime kaluan në “date” dhe njoha personin më të çmendur në botë. Kuptuam që kishim shumë të përbashkëta, bota e saj dhe menyra si i koncepton gjërat është thjesht për tu admiruar dhe s’mund ta lë pa përmendur faktin që është një ndër krijesat më të bukura që më kanë zënë sytë. Kështu qe projektin e kemi lënë pak anash….
Pra, ju po pranoni që keni gjetur dhe po jetoni dashurinë?!
Me kalimin e kohës filluam ta pëlqenim shumë njeri -tjerin dhe më pelqen motivimi që marr duke e pasur atë në krah. Momentalisht jemi në distancë. Po e provojmë kështu themelin e asaj çka nisëm të ndërtojmë. Vajza në fjalë ndodhet jashtë për një specializim, por nuk mendoj se disa kilometra janë pengesë. Dëshira është! Për një kohë të shkurtër do të takohemi pak më rrallë.
Më lart përmendët se ajo është personazh i njohur, kur do e bëni publike lidhjen?!
Momentalisht kemi vendosur ta jetojmë dhe shijojmë vetë. Ti shkëputemi pak publikut, vëmendjes, përndjekjes, famës në përgjithësi. Ky vendim ka ardhur nga të dy, për ta njohur më mirë njëri-tjetrin dhe për të mos rënë pre e toksicitetit të vëmendjes së gjërë dhe kjo është një ndër arsyet se përse nuk jemi aktivë në rrjetet sociale. Gjithsesi ndihem shumë me fat që kam njohur një person të tillë.
A e keni ndjekur këtë sezon të Për’puthen, çfarë këshille keni për konkurentët e rinj?
Me thënë të drejtën për shkak të angazhimeve i kam ndjekur shumë pak, për të mos thënë aspak. Këshilla ime e vetme, është ta shijojnë në maksimum. Të mos bëjnë kompromise për hir të asgjëje dhe askujt, si dhe ta përdorin për mirë si eksperiencë. Suksese nga zemra, të gjithëve!
Darling. al
