Pak ditë më parë regjizori/aktori Drilon Hoxha publikoi trailerin e filmit më të ri prodhuar e realizuar prej tij, “Shkëmbimi”.
Një aksion-komedi e dy jetëve paralele bëri bashkë emra të rëndësishëm si Bujar Asqeriu, Natasha Sela, Sejfulla Myftari, Çun Lajqi, Drilon Hoxha, Ana Lika etj. Driloni në këtë film vjen si bashkë skenaeist me Arian Çuliqin, regjizor dhe aktor protagonist. Vlen të theksohet se pjesa më e madhe është xhiruar në “ShBA”. I ftuar në “Ftesë në 5”, aktori tregoi për realizimin, prapaskenat dhe shprehu modestisht sikletin e të aktruarir krah aktorëve të mëdhenj.
Asqeriu dhe Cekja shprehën konsideratën e lartë profesionale dhe komoditetin e të punuarit me aktorin, që tashmë nuk mund të konsiderohet më i ri (pas tre prodhimeve shumë të sukseshme filmike).
Ajo çfarë ra në sy gjatë intetvistës ishte negativiteti i përsëritur i moderatores, e cila me doemos kërkonte të zbulonte ndonjë “të keqe”, sigurisht për të kapur ndonjë klikim. Kjo duke kërkuar kritika, momente të sikletshme dhe pyetje pa vend për protagonistët. Metodë që nuk i eci! Gjithka u realizua në bazë humori dhe ajo çfarë “na rrahu veshin” ishte urimi Drilon Hoxhës për vitin 2021.
Uroj të kemi sa më pak njerëz të vegjël rreth vetes. Duke patur njerëz të mëdhenj ata janë të angazhuar të merren me veten dhe jo me mua e punën time. Uroj të jenë ata mirë që të jem rehat unë, u shpreh ndër të tjerash aktori dhe regjizori Drilon Hoxha!
Filmi pritet të dalë së shpejti në kinema, gjithçka është shtyrë për shkak të situatës pandemike!
E.D/ Darling.al
