Ngjarjet e fundit në vend kanë sjellë situata të tensionuara jo vetëm në protestë por edhe në rrjetet sociale, kryesisht nga personazhet publikë. Stresi ishte i pari që doli hapur në kërkim të vendosjes së drejtësisë për vrasjen e 25-vjeçarit Klodian Rasha nga një efektiv policie. Duke u cilësuar si organizatori i protestës dhe vetquajtur Azem Hajdari i dytë Stresi mori si mbështetjen e të rinjve ashtu edhe kritika të shumta.
Duke qenë se protesta degradoi në shkatërrim e djegie të disa objekteve, personazhë të tjerë publikë reaguan duke i quajtur këto sjellje të pa hijshme. Një ndër to ishte moderatorja Einxhël Shkira e cila në statusin e saj kritikonte sjelljen e protestuesve. Aq është dashur që të ndizet shkëndija e sherrit virtual mes saj dhe Stresit, ku ky i fundit i dedikoi një status në profilin e tij duke e ofenduar rëndë nga morali.
Eingjëli nuk e ka lënë me kaq, por në “instastorit” e saj ka publikuar një intervistë të realizuar me Stresin dhe e quan atë dështak dhe lëpirës të partisë Demokratike. Nuk e dimë si do shkojë situata mes dy personazheve ama ngjarjet e fundit kanë qënë mjaft shokuese për vendin dhe figurat publike nuk kanë reaguar ashtu siç duhet në raste të tilla.
Diçka kuptuam nga protestat e fundit, që rinia shqiptare është ekzistente dhe se ngrihet në raste të tilla. Kjo protestë duhet të shërbejë si shembull për çështjet e shumta të cilat cënojnë shoqërinë.
E.D/Darling.al
