Aktorja Beren Saat që prej vitit 2014 është e martuar me këngëtarin turk Kenan Dogulu. Çifti kanë patur krizat e tyre në martesë dhe janë përfolur për ndarje, por gjithmonë janë rikthyer në krahët e njëri-tjetrit.
Së fundmi në një intervistë, Beren është pyetur për sekretin e martesës së tyre dhe aktorja ka treguar se sekreti qëndron tek shtëpia e tyre. “Kjo është një lidhje e gjatë mes dy njerëzve të famshëm. Sekreti i jetëgjatësisë së lidhjes sonë fshihet në shtëpinë tonë. Ne nuk mund të ndahemi sepse ne na bashkon gjithmonë shtëpia, edhe pas çdo ndarje, aty ndihemi të dashuruar sërish”-tha aktorja.
Beren zbuloi se gjatë kësaj kohe ka realizuar disa projekte me bashkëshortin e saj dhe do t’i publikojë në vitin 2021.
